Kåja idrettspark

Kunstgressbane ved Kåja Idrettspark i Nord-Fron kommune. Ingebjørg T. Bergum

Sist endra 13.03.2025 09.29

Her finn du meir informasjon om utleige og pris for Kåja idrettspark. Du kan også sjå terminlister.

Kåja-området har alltid vore synonymt med idrettsglede, og sidan eit stort ansiktsløft i 2011 har anlegget vore meir brukt enn nokon gong tidlegare.

Anlegget inneheld ei kunstgrasbane med grunnvarme, friidrettsanlegg, aktivitetsløype, basketballbane, sandvolleyballbane, og eit garderobebygg.

I tillegg driftar Vinstra Idrettslag den søre bana i idrettsparken, og har sitt klubbhus rett ved.

Kunstgrasbana i idrettsparken kan leigast ut. Priser ser du nedanfor.

For å booke anlegget, nytt DM Booking.

Leigesatsar for kommunale anlegg i Kåja idrettspark - lag frå Nord- og Sør-Fron og lag frå andre kommunar / arr. 2023
Leigesatsar 2023	Prisar lag frå Nord og Sør-Fron (eks. mva.)	Prisar lag frå andre kommunar og/eller arr. (eks. mva.)	Tidsrom
Leige friidrettsanlegg	kr 148,-	kr. 167,-	Pr. time
Leige garderobe	kr. 206,-	kr. 206,-	pr. time
Leige kunstgrasbane	kr 770,-	kr. 1.181,-	Heil bane til trening pr. time
Leige kunstgrasbane	kr 463,-	kr. 708,-	Halv bane til trening pr. time
Leige kunstgrasbane	kr 1.280,-	kr. 1.915,-	Heil bane til kamp pr. time
Leige kunstgrasbane	kr 768,-	kr. 1.148,-	Halv bane til kamp pr. time

Klikk her for å sjå retningsliner for fri leige av kommunale bygg

Det er fri leige for ordinære kultur- og idrettsaktivitetar for barn og ungdom i kommunale lokal i Nord-Fron.
Ordninga gjeld for barn og ungdom til og med 19 år.
Leigetakarane må vere lag/organisasjonar/grupper som høyrer til i Nord-Fron, og der hovuddelen av medlemmene er innbyggjarar i Nord-Fron.
Lag/organisasjonar/grupper som driv aktivitetar der barn, ungdom og vaksne er med likt, skal ha fri leige dersom hovuddelen av deltakarane er barn og ungdom. Der hovuddelen av deltakarane er vaksne skal det vere full leige.
For symjehallane skal det vere fri leige for idrettslag som driv symjeaktivitetar for barn og ungdom. All anna leige skal det betalast vanleg leigesats for. For den offentlege badinga skal det betalast vanlege billettprisar.
Fri leige gjeld berre når lokal er reservert på førehand, og godkjend av driftsansvarleg.
Dersom reservert tid ikkje skal nyttast, må avbestillinga gjerast i god tid. Om avbestilling ikkje blir gjort, blir leigetakaren fakturert etter ordinær takst for den reserverte tida.
Fri leige gjeld ikkje for turneringar, treningssamlingar, kurs, konsertar og liknande arrangement.
Ved stor etterspurnad etter leige etter denne ordninga, skal dei som driv typiske inneaktivitetar bli prioritert først.
Desse retningslinene gjeld ikkje for utleige til skolane i kommunen eller Vinstra Vidaregåande skule.

Terminlister for Kåja idrettspark finn du her: fotball.no

Nord-Fron kommune