Framdrift og status

Sikringsløysinga er no ferdig teikna, og arbeidet har til no vore retta mot å få full oversikt over eksisterande kablar og rør som kan bli påverka av sikringa. Ei viktig avklaring gjenstår med Vevig, då kablar som kryssar elva krev nøye vurdering av djupne for å finne ei best mogleg løysing. Dette er avgjerande for trygg passering med terskel og sidesikring av kabeltraséen.

Norconsult har fått ansvaret for å utarbeide den tekniske beskrivinga. Første delleveranse er venta 20. desember, og denne vil bli gjennomgått av NVE før endeleg leveranse i slutten av januar 2025.

Arbeid med tryggleik og konkurransegrunnlag

Ein viktig del av planlegginga er SHA-arbeidet (Sikkerhet, Helse og Arbeidsmiljø). Risikovurderingar pågår og vil leggje grunnlaget for restrisikoplanen som følgjer SHA-planen. Arbeidet med dette er venta å vere komplett i midten av januar 2025.

I tillegg er konkurransegrunnlaget for prosjektet påbegynt, med sikte på å lyse ut arbeidet mot slutten av februar eller starten av mars 2025. Signering av kontrakt med entreprenør er venta i slutten av april 2025.

Vidare framdrift

Nord-Fron kommune vil følgje opp prosjektet tett for å sikre god framdrift og kvalitet i arbeidet. Sikringsarbeidet er eit viktig tiltak for å trygge lokalmiljøet og tilretteleggje for ei robust infrastruktur i kommunen.

Innbyggjarane vil bli halde oppdaterte om framdrifta undervegs i prosjektet. Spørsmål kan rettast til kommunen for meir informasjon.